កម្មវិធីហាត់ការ សម្រាប់និស្សិតផ្នែកវិស្វកម្ម ទឹកនិងបរិស្ថាន
កម្មវិធីអ្នកដឹកនាំជំនាន់ថ្មីសម្រាប់សកម្មភាពទឹកស្អាត និងអនាម័យ (YLWA) ជំនាន់ទី២ គឺជាកម្មវិធីអភិវឌ្ឍន៍សមត្ថភាពដែលផ្តោតលើវិស័យផ្គត់ផ្គង់ទឹកស្អាតតាមបំពង់។
កម្មវិធីនេះមានគោលបំណងដោះស្រាយបញ្ហាកង្វះខាតធនធានមនុស្សក្នុងវិស័យនេះ ដោយការផ្តល់ឱកាសដល់និស្សិតឆ្នាំចុងក្រោយ និងនិស្សិតទើបបញ្ចប់ការសិក្សាលើជំនាញទឹក និងបរិស្ថាន អាចទទួលបានការបណ្តុះបណ្តាលបន្ថែមលើជំនាញរឹង និងទន់ និងចុះហាត់ការរយៈពេល ៦ខែ នៅស្ថានីយ៍ប្រតិបត្តិករទឹកឯកជន ទាំង៧ ដោយដើរតួជាអ្នកជំនាញនៅតាមស្ថាប័ននីមួយៗដើម្បីធានាថា ទឹកស្អាតទាំងនោះមានស្តង់ដានិង ធានាដល់សុខុមាលភាពប្រជាជន។
ហេតុអ្វីបានជាមាន BOOTCAMP Training 5 ថ្ងៃ?
លក្ខណៈពិសេសរបស់កម្មវិធីនេះគឺ អ្នកចូលរួមទទួលបាន ការបណ្តុះបណ្តាលចំនួនពីរធំៗ៖ ទីមួយគឺ Bootcamp Training រយៈពេល 5ថ្ងៃ សម្រាប់ការបណ្តុះបណ្តាលជំនាញទន់ និង ទីពីរគឺការបណ្តុះបណ្តាលជំនាញបច្ចេកទេស ដើម្បីគាំទ្រដល់ និស្សិតក្នុងអំឡុងពេលចុះកម្មសិក្សារយៈពេល 6ខែ នៅឯស្ថានីយ៍ប្រតិបត្តិករទឹកឯកជន។
គោលបំណង៖
- អភិវឌ្ឍជំនាញប្រកបដោយប្រសិទ្ធភាព៖ Bootcamp Training អាចផ្តល់នូវបទពិសោធន៍ និងជំនាញជាក់ស្តែង ដែលជារឿយៗមានប្រសិទ្ធភាពជាងការរៀនក្នុងថ្នាក់តាមបែបបុរាណ។
- កសាងសមត្ថភាពផ្នែកទំនាក់ទំនង ចំណេះដឹងក្នុងការបង្កើត និងគ្រប់គ្រងគម្រោង ការធ្វើការងារជាក្រុម ភាពជាអ្នកដឹកនាំ …
- ផ្សារភ្ជាប់ទំនាក់ទំនង៖ អ្នកចូលរួមមានឱកាសភ្ជាប់ទំនាក់ទំនងជាមួយមិត្តភ័ក្តិ គ្រូបង្ហាត់ និងអ្នកជំនាញក្នុងវិស័យនេះផ្ទាល់
- ផ្តល់បរិយាកាសសិក្សាបែបថ្មី៖ Bootcamp Training ផ្ដោតលើការអនុវត្តជាក់ស្តែងដោយប្រើប្រាស់ចំណេះដឹងដែលបានរៀន។
ការបណ្តុះបណ្តាលនេះមានគ្រូបង្គោលមកពី Impact Hub Phnom Penh (IHPP) ដែលជាអ្នកបណ្តុះបណ្តាលផ្ទាល់រយៈពេល ៥ថ្ងៃពេញ។ លើសពីនេះ អ្នកចូលរួមក៏បានធ្វើបទបង្ហាញពីគម្រោងដែលពួកគេបានស្នើឡើង ដោយមានការចូលរួមពីភាគីពាក់ព័ន្ធ និងអ្នកជំនាញផងដែរ។
វីដេអូខ្លីៗពីBootcamp ៖
ជំនួយផ្នែកបច្ចេកទេស
ក្នុងកំឡុងពេល ៦ខែ នៃការហាត់ការនៅស្ថានីយ៍ប្រតិបត្តិករទឹក និស្សិតរបស់យើងក៏ទទួលបានវគ្គបណ្តុះបណ្តាលបន្ថែមជាបន្តបន្ទាប់លើជំនាយបច្ចេកទេសផ្នែកផ្គត់ផ្គង់ទឹកស្អាត ដែលបណ្ដុះបណ្ដាលដោយអ្នកជំនាញពីក្រុមហ៊ុន ISEA។
វឌ្ឍនភាពការងារនៅតាមស្ថានីយ៍
ជារៀងរាល់១ខែម្តង ក្រុមការងាររបស់ អង្គការប្រើប្រាស់ទឹកប្រកបដោយចីរភាព ចុះពិនិត្យ និងតាមដានការងាររបស់និស្សិតនៅតាមស្ថានីយ៍នីមួយៗដើម្បីស្វែងយល់ពី៖
- វឌ្ឍនភាពការងារដែលភាគច្រើនផ្តោតទៅលើការងារបច្ចេកទេស ដូចជា ការធ្វើតេស្តទឹក ការគូសផែនទី ការពង្រីកបណ្ដាញចែកចាយ ការធ្វើឱ្យប្រសើរឡើងនូវហេដ្ឋារចនាសម្ព័ន្ធនៅស្ថានីយ៍ ការធ្វើរបាយការណ៏ការងារ និងការសម្របសម្រួលជាដើម។
- ស្ថានភាពស្នាក់នៅរបស់និស្សិតហាត់ការដែលជា អតិភាពចម្បងរបស់ អង្គការប្រើប្រាស់ទឹកប្រកបដោយចីរភាព។
- កត្តារាំងស្ទះ និងដំណោះស្រាយ៖ សមត្ថភាពក្នុងការសម្របខ្លួន និងដោះស្រាយបញ្ហាប្រឈមប្រកបដោយភាពច្នៃប្រឌិត។
- ទំនាក់ទំនងការងារ៖ ការធានាឱ្យបាននូវទំនាក់ទំនងល្អរវាងដៃគូពាក់ព័ន្ធ។
សម្ធិផលការងារ
- ការដោះស្រាយបញ្ហា៖ នៅតាមស្ថានីយ៍នីមួយៗមានបញ្ហាប្រឈមដែលនិស្សិតហាត់ការត្រូវប្រើប្រាស់សមត្ថភាពរបស់ពួកគេសម្របទៅតាមកាលៈទេសៈរៀងៗខ្លួនដើម្បីដោះស្រាយបញ្ហា។
- ការធ្វើឱ្យប្រសើរឡើងនូវគុណភាពទឹក៖ និស្សិតហាត់ការបានសហការជាមួយបុគ្គលិកបច្ចេកទេសនៅស្ថានីយ៍ ក្នុងការធ្វើឱ្យប្រសើរឡើងនៅក្នុងដំណើរការធ្វើប្រព្រឹត្តិកម្មទឹក។
- ការពង្រីកបណ្តាញទឹកទៅតាមខ្នងផ្ទះ
- ការធ្វើការជាមួយសហគមន៍៖ និស្សិតហាត់ការក៏បានចូលរួមជាមួយសហគមន៍ ដោយប្រើជំនាញទំនាក់ទំនងរបស់ពួកគេដើម្បីអប់រំ អំពីការថែទាំប្រភពទឹក។
យើងសូមថ្លែងអំណរគុណយ៉ាងជ្រាលជ្រៅចំពោះដៃគូពាក់ព័ន្ធ ដែលបានរួមចំណែកក្នុងកម្មវិធីមួយនេះ។ ការរួមចំណែករបស់ភាគីពាក់ព័ន្ធពិតជាមានតម្លៃមិនអាចកាត់ថ្លៃបានក្នុងការជំរុញបេសកកម្មនៅក្នុងវិស័យទឹកស្អាតរបស់យើងឱ្យបន្តទៅមុខ។
[YLWA]ត្រូវបានគាំទ្រដោយរាជរដ្ឋាភិបាលអូស្ត្រាលី តាមរយៈកម្មវិធីភាពជាដៃគូ កម្ពុជា អូស្រ្តាលី សម្រាប់ការអភិវឌ្ឍប្រកបដោយភាពធន់ (CAPRED) និងអនុវត្តដោយ អង្គការប្រើប្រាស់ទឹកប្រកបដោយចីរភាព។
